ଆର,ଉଦୟଗିରି ଓ ଖଜୁରିପଦା ଥାନା ଇଲାକାରେ ବଢୁଛି ଜୁଆଖେଳ ________________
ଗଜପତି , ୧୭/୧୦/୨୪: ପାର୍ବଣ ଋତୁରେ ପରମ୍ପରା ନାଁରେ ଆର, ଉଦୟଗିରି ଓ ଖଜୁରୀପଦା ଥାନା ଅଧୀନ ବିଭିନ୍ନ ଗ୍ରାମାଞ୍ଚଳରେ ଜୁଆଖେଳ ସଂଖ୍ୟା ବଢ଼ିବାରେ ଲାଗିଛି। ଲକ୍ଷାଧିକ ଟଙ୍କାର ଜୁଆ ଖେଳ ଚାଲୁଥିବା ବେଳେ ପୁଲିସ ଧରପଗଡ଼କୁ ବ୍ୟାପକ କରୁ ନଥିବା ଦେଖିବାକୁ ମିଳିଛି । ପ୍ରତିବର୍ଷ ପାର୍ବଣ ଋତୁ ଆରମ୍ଭରୁ ପୁଲିସ ପକ୍ଷରୁ ବିଭିନ୍ନ ଜୁଆଆଡ଼ାରେ ଚଢ଼ଉ କରାଯାଇଥାଏ । ବହୁ ଜୁଆଡ଼ି ଗିରଫ ହୋଇଥା’ନ୍ତି। ତେବେ ଚଳିତବର୍ଷ ଏଥିରେ ବ୍ୟତିକ୍ରମ ଦେଖାଦେଇଛି। ପାର୍ବଣ ଋତୁରେ ଜଣେ ବି ଜୁଆଡ଼ି ଏଯାବତ୍ ଗିରଫ ହୋଇନାହାନ୍ତି। ଫଳରେ ବିଭିନ୍ନ ପରିତ୍ୟକ୍ତ ସ୍ଥାନ,ତୋଟାମାଳ, ଜଙ୍ଗଲ ଓ ନିଛାଟିଆ ସ୍ଥାନରେ ଥିବା ଘରେ ଲକ୍ଷାଧିକ ଟଙ୍କାର ଜୁଆ ଖେଳ ଚାଲୁଛି। କିଛି ବଡ଼ବଡ଼ିଆଙ୍କ ପ୍ରୋତ୍ସାହନରେ ଜୁଆଖେଳ ଚାଲୁଥିବା ବେଳେ ପୁଲିସ ଜାଣି ବିନିରବଦ୍ରଷ୍ଟା ସାଜିଛି । ଏଦିଗରେ ଦୃଷ୍ଟିଦେବାକୁ ଦାବି ହୋଇଛି।
