ଅଟୋ ଧକ୍କାରେ ବାଇକ ଚାଳକ ମୃତ, ଗୁରୁତର ଆରୋହୀ ଡାକ୍ତରଖାନାରେ

ଅଟୋ ଧକ୍କାରେ ବାଇକ ଚାଳକ ମୃତ, ଗୁରୁତର ଆରୋହୀ ଡାକ୍ତରଖାନାରେ।ଦିଗପହଣ୍ଡି ଥାନା ଅର୍ନ୍ତଗତ ଲାଢି ଗ୍ରାମ ଛକରେ ଏକ ମୋଟରସାଇକେଲ କୁ ଗୋଟିଏ ଦୃତଗାମୀ ଅଟୋ ଧକ୍କାରେ ଚାଳକ ବିକ୍ରମ ଚିକିତ୍ସିତ ଅବସ୍ଥାରେ ମୃତ୍ୟୁ ଘଟିଥିଲା ବେଳେ ଆରୋହୀ ସାନୀୟା ନାୟକ ଦିଗପହଣ୍ଡି ଡାକ୍ତରଖାନାରେ ପ୍ରାଥମିକ ଚିକିତ୍ସାପରେ ଅବସ୍ଥା ଗୁରୁତର ହେବାରୁ ତାକୁ ବ୍ରହ୍ମପୁର ବଡ଼ ଡ଼ାକ୍ତରଖାନାକୁ ସ୍ଥାନାନ୍ତରିତ କରାଯାଇଛି। ସୁଚନା ଅନୁଯାୟୀ ଜଣାପଡିଛି ଯେ ମୃତ ବିକ୍ରମର ଘର ବ୍ରହ୍ମପୁର ସଦର ଥାନା ଅର୍ନ୍ତଗତ ନାରାୟଣ ପୁର ଗ୍ରାମ ରେ। ମକର ସଂକ୍ରାନ୍ତି ଉପଲକ୍ଷେ ତା’ର ସାଙ୍ଗ ସାନୀୟାର ଗ୍ରାମକୁ ବୁଲି ଯାଇଥିଲେ ଓ ଉଭୟେ ଜଳଖିଆ ଖାଇବା ପାଇଁ ଅନଙ୍ଗପୁର ଛକକୁ ଯାଉଥିବା ବେଳେ ଏହି ଦୁର୍ଘଟଣା ଘଟିଛି। ଧକ୍କା ଦେଇ ଅଟୋ ଚାଳକ ଘଟଣାସ୍ଥଳରୁ ଚମ୍ପଟ୍ ମାରିଥିବା ବେଳେ ଦୁର୍ଘଟଣାର ଶୀକାର ଦୁଇ ଯୁବକ ରାସ୍ତା କଡ଼ରେ ପଡ଼ିଥିବା ବେଳେ ପୋଲିସ ଓ ଗାଁ ଲୋକେ ଉଭୟଙ୍କୁ ଚିକିତ୍ସା ନିମନ୍ତେ ଡାକ୍ତରଖାନାରେ ଭର୍ତ୍ତି କରିଥିଲେ। ପୋଲିସ ଘଟଣାସ୍ଥଳରେ ପହଞ୍ଚି ମୋଟରସାଇକେଲ ଜବତ କରି ଘଟଣାର ତଦନ୍ତ ଆରମ୍ଭ କରିଛନ୍ତି।