ମାଲକାନଗିରି:ମାଥିଲି ବ୍ଲକର ଟେମରୁପାଲ୍ଲୀ ଅଂଚଳରେ ବନ୍ୟା ଜଳ ବଢିଯିବାରୁ ସେହି ଅଂଚଳରେ ରୋଗରେ ଯନ୍ତ୍ରଣା ପାଉଥିବା ଲୋକେ ମେଡିକାଲ ଆସିପାରୁନଥିଲେ। ଏହି ଖବର କ୍ୟାଙ୍ଗ ପ୍ରାଥମିକ ସ୍ବାସ୍ଥ୍ୟ କେନ୍ଦ୍ରର ଡାକ୍ତର ଶୁଣିବା ପରେ ତୁରନ୍ତ ସେହି ଅଂଚଳକୁ ଗସ୍ତ କରିବାକୁ ମନସ୍ଥ କରିଥିଲେ।ତେବେ ବନ୍ୟା ଜଳ ପ୍ରବାହିତ ହେଉଥିବାରୁ କିପରି ସେହି ଅଂଚଳକୁ ଯାଇ ଲୋକଙ୍କୁ ଚିକିତ୍ସା କରିବେ ଚିନ୍ତାରେ ପଡିଥିଲେ। ତୁରନ୍ତ ଏକ ଟ୍ରାକ୍ଟର ଯୋଗେ ବନ୍ୟା ଜଳରେ ପଶି ଟେମରୁପାଲୀ ଗ୍ରାମରେ ପହଞ୍ଚିଥିଲେ। ଗାଁରେ ଡାକ୍ତରୀ ଟିମ ପହଞ୍ଚିବା ଖବର ପାଇବା ପରେ ଗ୍ରାମବାସୀଙ୍କ ଖୁସି କହିଲେ ନସରେ।ଡାକ୍ତର ସମସ୍ତଙ୍କୁ ଚିକିତ୍ସା କରି ଔଷଧ ପ୍ରଦାନ କରିଥିଲେ।
ମାଲକାନଗିରି ଜିଲ୍ଲାରେ ଲଗାଣ ବର୍ଷା ବନ୍ୟା ପରିସ୍ଥିତି ସୃଷ୍ଟି କରିବା ସହ ଚାରିଆଡେ ଜଳମଗ୍ନ ହୋଇଯାଇଛି। ଏଥିରେ ବିଶେଷ ଭାବେ ମାଲକାନଗିରି, ମାଥିଲି, କାଲିମେଳା ଏବଂ ପଡ଼ିଆ ବ୍ଲକ କ୍ଷତିଗ୍ରସ୍ତ ହୋଇଛି।
