ବରଗଡ ୧୧,୧୦(ଭବାନୀ ଶଙ୍କର ପାଢ଼ୀ) ବରଗଡ ଜିଲ୍ଲା ଭେଡେନ ବ୍ଲକ ସଂକ୍ରିଡା ପଞ୍ଚାୟତ ର ଝରାପାଲି ମାର୍କେଟ ଠାରେ ସାର୍ବଜନୀନ ଦୁର୍ଗା ପୂଜା ଆରମ୍ଭ ହୋଇଯାଇଛି। ଏହା ସପ୍ତମୀ ଦିନ ଠାରୁ ଆରମ୍ଭ ହୋଇ ଦଶମୀ ଦିନ ସମାପ୍ତ ହେବ। ମହାସମାରୋହରେ କଳସ ଯାତ୍ରା ହୋଇଯାଇଛି, ସାର୍ବଜନୀନ ଦୁର୍ଗା ପୂଜା କମିଟି ସଭାପତି ହରି ପଧାନ ଓ ଦୁର୍ଗା ପୂଜା କମିଟି ର ସମସ୍ତ ସଦସ୍ୟ ମାନଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ଅନୁଷ୍ଠିତ ହେଉଛି। ଏହି ଦୁର୍ଗା ପୂଜା ରେ କର୍ତା ରୂପେ ଦାଇତ୍ବ ତୁଲାଉଛନ୍ତି ଶ୍ରୀ ରଶ୍ମିରଞ୍ଜନ ପାଢୀ ଓ ଧର୍ମପତ୍ନୀ ଶ୍ରୀମତୀ ଲକ୍ଷ୍ମୀରେଖା ପାଢୀ। ପୂଜାର୍ଚ୍ଚନାରେ ମୁଖ୍ୟ ପୁରୋହିତ ଭାବରେ ବୁଦ୍ଧଦେବ ମିଶ୍ର, ନରେନ୍ଦ୍ର ଦେବତା ଓ ବୁଲୁ ତ୍ରିପାଠୀ ସମସ୍ତ ରୀତିନୀତି ଅନୁସାରେ ହୋମଯଜ୍ଞ ପୂଜା କାର୍ଯ୍ୟ ତୁଲାଉଛନ୍ତି। ପ୍ରତିଦିନ ଶହଶହ ସଂଖ୍ୟାରେ ଶ୍ରଦ୍ଧାଳୁ ଭକ୍ତମାନେ ଆସି ମାଁ ଦୁର୍ଗାଙ୍କ ନିକଟରେ ପ୍ରାର୍ଥନା କରି ଆଶିଷ ଭିକ୍ଷା କରୁଛନ୍ତି। ଆଜି ସାଂସ୍କୃତିକ କାର୍ଯ୍ୟକ୍ରମ ରେ ନିଧେନପାଲି ଓ ମହୁଲେ ସଂକ୍ରିତନ ଦଳ ପରିବେଷଣ କରୁଛନ୍ତି। ଏହା ସହିତ ରାମଲୀଳା ଓ ରାବଣ ଦରବାର ଅନୁଷ୍ଠିତ ହେଉଛି। ରାବଣ ଭୂମିକାରେ ଅଭିନୟ କରୁଛନ୍ତି ସୋର୍ଣ୍ଣା ଗ୍ରାମର ଶୁସିଲ କୁମାର ନାୟକ ଓ ସହ କର୍ମୀ ମାନେ ଅଭିନୟ କରୁଛନ୍ତି। ତାଂକର ଅଭିନୟ ଉଚ୍ଚ କୋଟୀର ହେଉଥିବାରୁ ଦିନ କୁ ଦିନ ଦର୍ଶକ ସଂଖ୍ୟା ବଢିଚାଲିଛି। ଏହି ସମୟରେ ପୂଜାକମିଟିର ସ୍ଵେଚ୍ଛାସେବୀ ମାନେ ପରିଚାଳନା ରେ ସହଯୋଗ କରୁଛନ୍ତି।
